മോചനം

This is my second malayalam poem and my first Christian poem.

It's based on salvation by grace and ends in eternity.

Special thanks to my mummy who had coauthored this and helped with rhythm , flow, grammar correction and malayalam typing.

നിൻ കരുണയിൽ ഉറപ്പാകുമെൻ ജീവിതം,
നിൻ കരുതലിൽ ഉറപ്പാകുമെൻ തപസ്സും,
നിൻ കരുണയിൽ ഉയരുമെൻ ഹൃദയവും,
നിൻ കൃപ കൃപയിൽ സ്ഥിരമാകുമെൻ മാനസം.

നിൻ കൃപയാൽ ഉറപ്പാകുമെൻ ജീവിതം,
നിൻ കരുണയിൽ സ്ഥിരമാകുമെൻ പാദവും,
നിന്നുടെ ശിരസ്സിൽ നിന്നൊഴുകിയ ചോരയിൽ,
ശുദ്ധീകരിക്കുമെൻ കൻമഷ മാനസം.

നിൻ പാദത്തിൽ ഉടച്ചതാം എൻ പരിമളതൈലം ,
നിൻ മറുവിലയിൽ ഏറെ തുശ്ചമയ്യോ!
എൻ പാപമുയരുന്ന ഗിരിയിൽ നിൻ ജഡം,
ഉയർന്നൂ ഗോൽഗോഥായിൽ
സൂര്യതേജസ്സിൻ മറവിൽ.

വിലയേറിയതാമെൻ പാപദേഹിയെ,
വിലയ്ക്കു വാങ്ങി നീ നിൻ  ദിവ്യ   ദേഹത്താൽ ,
കഴുകി നീ എന്നിലെ പാപക്കറകളെ,
നിൻ ത്യാഗരക്തത്തിൻ ഒഴുക്കിൻ ശക്തിയാൽ.

നിന്നുടെ മുൾപാടുകളാണെൻടെ
മോചനം,
അവയെൻ നേത്റത്തിൽനിന്നകറ്റീ  തിമിരവും,
നിന്നുടെ ദേഹിതൻ അവസാന ശ്വാസവും
എൻ പുതുജീവൻടെ, പുലർക്കാലഘോഷണം.

നീ വീണ്ടെടുത്തോരീയടിയാൻ
അണയുന്നു നിന്നിൽ,
നിൻകൃപ മാത്രമെൻ ജീവൻടെ
ആധാരം,
പിണമായ്ക്കിടന്നു ഞാൻ
ധരണിതൻആഴത്തിൽ ,
നൽകിനിൻ ശ്വാസവുംനിൻനിണത്തോടൊപ്പം.

ജീവജലത്തിൻടെ നീർഝരീയതിൽ,
എന്നേക്കഴുകി നിഎന്നേഉയർത്തി,
നിന്നുടെരക്താംഗി എന്നേ
ധരിപ്പിച്ചു,
നിൻനിണത്താലെന്നെ
നീതീകരിച്ചു.

ശാലേമിൽ മാറ്റൊലി പാടുന്നു ഗീതവും,
ശാലേമിൻ പുത്രനെ നീയെൻടെ നാഥനും,
ശാലേമിലുയരുന്ന നീതിയിൻ സൂര്യനായ്,
നീയെൻടെ ചിത്തത്തിൽ വാഴുന്നു ശ്രേഷ്ഠനായ്.

എൻ പ്രാണനാഥാ നീയെന്നേ തേടിയതോ,
എൻ പ്രിയ താതാ നീയെൻ മറുവിലയോ,
എൻ ജീവാന്ത്യവേളയിൽ നിന്നെഞാൻ കാണുമ്പോൾ,
നിൻകരം എന്നേനിൻ മാറോടു ചേർക്കണെ

അഗ്നികുണ്ഡത്തിൽനിന്നെന്നേ വലിച്ചു നീ,
അഗ്നിയെ വെല്ലുന്നതാം പരിത്യാഗത്താൽ,
താതാ നിൻ അഗ്നിയാൽ ശുദ്ധീകരിക്കെന്നെ,
നിൻമുഖം സൂര്യാഗ്നിയേക്കാളും ശോഭിതം.

ജീവജലത്തിന്നുറവയാം  പ്രാണനാഥാ,
നിൻ പുതുജീവൻ ദിനംതോറുമെൻ ഹൃത്തിൽ,
നിൻ വചനത്തിൻ സൗരഭ്യവാസന പ്രാണനിൽ,
ഉയർത്തട്ടെ നിൻ ആരാധനാ ധരിണിയിൽ.

ഞാൻ വരുന്നിതാ എൻ ഓട്ടം തികച്ചിതാ,
ആ ശാശ്വത പർവതം ദൃഷ്ടിയിൽ കാണുന്നു,
എൻ കണ്ണീമയ്ക്കും ആ നൊടി നേരത്തിൽ,
എൻ വിരലുകൾ നിൻ പാദത്തെ സ്പർശിപ്പൂ നാഥാ!